Paragrafi 25

Itaque, credo, si civis Romanus Archias legibus non esset, ut ab aliquo imperatore civitate donaretur perficere non potuit. Sulla cum Hispanos et Gallos donaret, credo, hunc petentem repudiasset; quem nos vidimus, cum ei libellum malus poeta de populo subiecisset, quod epigramma in eum fecisset tantum modo alternis versibus longiusculis, statim ex eis rebus quas tum vendebat iubere ei praemium tribui, sed ea condicione ne quid postea scriberet. Qui sedulitatem mali poetae duxerit aliquo tamen praemio dignam, huius ingenium et virtutem in scribendo et copiam non expetisset?

Itaque,

• credo,
• si civis Romanus Archias legibus non esset,
• ut ab aliquo imperatore civitate donaretur

perficere non potuit.

• Sulla cum Hispanos et Gallos donaret,

credo,

• hunc petentem repudiasset;

quem nos vidimus,

• cum ei libellum malus poeta de populo subiecisset,
  • quod epigramma in eum fecisset tantum modo alternis versibus longiusculis,
• statim ex eis rebus
  • quas tum vendebat
• iubere ei praemium tribui,
  • sed ea condicione ne quid postea scriberet.
• Qui sedulitatem mali poetae duxerit aliquo tamen praemio dignam,

huius ingenium et virtutem in scribendo et copiam non expetisset?

.