Paragraphe 15

Activer/désactiver les sections :
Texte brut

Quaeret quispiam: ‘quid? illi ipsi summi viri quorum virtutes litteris proditae sunt istane doctrina quam tu effers laudibus eruditi fuerunt?’ Difficile est hoc de omnibus confirmare, sed tamen est certum quid respondeam. Ego multos homines excellenti animo ac virtute fuisse sine doctrina, et naturae ipsius habitu prope divino per se ipsos et moderatos et gravis exstitisse fateor; etiam illud adiungo, saepius ad laudem atque virtutem naturam sine doctrina quam sine natura valuisse doctrinam. Atque idem ego hoc contendo, cum ad naturam eximiam et inlustrem accesserit ratio quaedam conformatioque doctrinae, tum illud nescio quid praeclarum ac singulare solere exsistere.

Texte structuré

Quaeret quispiam:
‘quid?
illi ipsi summi viri

  • quorum virtutes litteris proditae sunt

istane doctrina

  • quam tu effers laudibus

eruditi fuerunt?’
Difficile est hoc de omnibus confirmare,
sed tamen est certum

  • quid respondeam.

Ego multos homines

  • excellenti animo ac virtute fuisse sine doctrina,
  • et naturae ipsius habitu prope divino per se ipsos et moderatos et gravis exstitisse

fateor;
etiam illud adiungo,

  • saepius ad laudem atque virtutem naturam sine doctrina quam sine natura valuisse doctrinam.

Atque idem ego hoc contendo,

  • cum ad naturam eximiam et inlustrem accesserit ratio quaedam conformatioque doctrinae,
  • tum illud nescio quid praeclarum ac singulare solere exsistere.
Traduction

.