Paragraphe 31

Qua re conservate, iudices, hominem pudore eo quem amicorum videtis comprobari cum dignitate, tum etiam vetustate, ingenio autem tanto quantum id convenit existimari, quod summorum hominum iudiciis expetitum esse videatis, causa vero eius modi quae beneficio legis, auctoritate municipi, testimonio Luculli, tabulis Metelli comprobetur. Quae cum ita sint, petimus a vobis, iudices, si qua non modo humana verum etiam divina in tantis ingeniis commendatio debet esse, ut eum qui vos, qui vestros imperatores, qui populi Romani res gestas semper ornavit, qui etiam his recentibus nostris vestrisque domesticis periculis aeternum se testimonium laudis daturum esse profitetur, quique est ex eo numero qui semper apud omnis sancti sunt habiti itaque dicti, sic in vestram accipiatis fidem ut humanitate vestra levatus potius quam acerbitate violatus esse videatur.

Qua re conservate, iudices, hominem pudore eo

• quem amicorum videtis comprobari cum dignitate, tum etiam vetustate,

ingenio autem tanto

• quantum id convenit existimari,
  • quod summorum hominum iudiciis expetitum esse videatis,

causa vero eius modi

• quae beneficio legis, auctoritate municipi, testimonio Luculli, tabulis Metelli comprobetur.
• Quae cum ita sint,

petimus a vobis, iudices,

• si qua non modo humana verum etiam divina in tantis ingeniis commendatio debet esse,
• ut eum
  • qui vos, qui vestros imperatores, qui populi Romani res gestas semper ornavit,
  • qui etiam his recentibus nostris vestrisque domesticis periculis aeternum se testimonium laudis daturum esse profitetur, 
  • quique est ex eo numero 
  • qui semper apud omnis sancti sunt habiti itaque dicti,
• sic in vestram accipiatis fidem 
  • ut humanitate vestra levatus potius quam acerbitate violatus esse videatur.

Conservez donc à notre ville, messieurs les juges, un homme qui, par son honorable caractère, a mérité des amis aussi illustres que fidèles ; un homme que ses talents supérieurs, vous le savez, ont fait rechercher par les goûts des hommes les meilleurs ; un homme, enfin, dont la cause a pour bases le bénéfice de la loi, le témoignage de Lucullus, l’autorité de toute une ville, les registres de Metellus. Et maintenant, si, face à de si grands talents, il est permis de joindre à la recommandation des hommes la recommandation des dieux, daignez songer qu’Archias vous a toujours célébrés, vous, et vos généraux, et la gloire du peuple romain ; qu’il promet d’immortaliser encore par ses vers les derniers périls domestiques que nous avons courus ensemble ; qu’il est enfin du nombre de ceux qui ont toujours été considérés comme sacrés et traités de tels chez tous les peuples. Ouvrez-lui, je vous en conjure, l’asile de votre justice, et qu’il ait à se féliciter de votre générosité plutôt qu’à se plaindre de votre rigueur.